Haka dhawaw Howard Center. May siinee noo’yi shalduwang oo aafimaatky damiirky, istimalky mandoriyigy, ii atheegoo naafimithy hormarky aringnyoo, dadky wing, ii reeroo Chittenden County. May rijeeyani inii ki heli aqbaar websaydkany oo quseyti atheegithaani ii illoo waltarky le.
Hattii tang eti haalid aafimat degdeg eh, tafathal hang weer 9-1-1.
Hattii atha ama qof kasaasi li kulamaw dhibaaty, tafathal hangweer 802-488-7777, First Call for Chittenden County, atheegithani dhibaatithy oo mobelky 24/7/365. Taqtaroogani may biyaayaani taageerithy talefongky ii qof hangty eh, qiimeeyawky qof hangty, maareeyawky dhibaatithy muddithy gabang, ang gudbingty atheegoo ki habong, ii aqbaarty quseyty illoo bulshaathy.
Si ang kuli dohowty xubing shaqaaligy eh atheegothani, hang weer 802-488-6000. Maddii hang weerty, may li dohowasi shaqaaligy Howard Center oo diyaariyi koro atheegoo turjubangky oo talefong hang weerawky oo bilaash eh.
Qaar ku mid eh atheegoo bathang uni biyaani may ki jarani:
- atheegoo qaathishithy ii qiimeeyawky
- atheegoo dhibaatithy ii li taladky oo aringnyoo, dadky wing, ii reeroo
- atheegoo taagirithy oo dadki qobong ootisimky ii naafinimithy aqligy
- atheegoo li talidky ii aafimaatky oo dadky qobong jirooyingky istimalky mangdoriyigy
- atheegoo dhiirigeliyawky oo dadky qobo dhibatoyingky aafimatky damirky halisty amy joogtithy eh
- atheegoo walbarashithy ii iskoolky oo aringnyoo, dhalingyarithy, ii dadky wing oo dhalingyatithy eh
- taageerithy ii atheegoo deegangky
May biyaani hanaani naharis leh ii daaweeyaw. May luku yaabee inii kaalmeyni dadki waqti gabang ama may luku yaabee inii ki kaalmeyni nololiyoo dhong. May kaalmeeyani dadki dhalingyarithy ii waayeelky. May ki kaalmeeyani dadky maningyaalshoo, shaqithy, baledkani hoosi, ii bulshithy kulishoo. May rijeeyani ing hattii ang bahangty taageeri amy atheegi oo si rung eh angky aragasi inii Kaalmy inti yaali.
Sandy McGuire, CEO
Howard Center